brrrr... so hets au bi üs usgseh hüt motge...
nid so wie mir das gärn hei... aber dass es so chönnti cho isch üs scho bewusst gsi...
drum hei mir e gemüetliche Läse-Tag igschalte...
und am Nomitag isch de au scho wieder chli blaue Himmel füre cho... nachhär hets afo schtürme...
wieder mol e Vanlife Info (für alli wos Camper Läbe nid kenne): natürli hei mir au es WC... kauft hei mir dr Pössl mit enere Chemie-Toilette...
um unabhängiger zsi hei mir nis letscht Johr für nes Trocke-Trenn-WC entschiede, d.h. mir bruche fürs WC kei Wasser, kei Chemie und au kei spezielli Entsorgigsstell me...
dr blau Urin Bhälter dörfe mir au uf jedem öffentliche WC leere, dr ander Teil im Sack de eifach i jede Mischabfall...
für üs isch es ächt eifacher und mit weniger Stress verbunde... mit "Streu" tröchnet dr dicker Teil optimal us... also kei unagnähmi Grüch...
umbaut het dr Martin alles sälber... und natürli au no mit Stauruum und Fächli optimiert...
und ig ha de no s'Puschteblueme Design dörfe wähle...